Battle Honour of Chhamb lawm

Kum 1971-a India leh Pakistan indonaa 5 Assam Regiment-in chawimawina, Battle Honour of Chhamb a dawn chu December 5, 2025 khan Ex-Fighting Fifth Association (EFFA) ten KV Paradise, Durtlangah an lawm a; Mizoram Ex-Service League president Lt. Col. Clement Lalhmingthanga, MLA-in a hmanpui.

5 Assam Regiment hi kum 1971-a India leh Pakistan indonaah khan 191 Infantry Brigade hnuaia battalion pali zinga pakhat an ni a, Chhamb sector-ah Pakistan sipaite nen an inkâp a ni. December 5, 1971 khan 5 Assam Regiment-te hian Pakistan sipaite'n Akhnoor Bridge leh Akhnoor khua laka awp an tum chu an lo dang a, lo dangchatin, Pakistan sipaite chu an hneh a ni.

Battle Honour of Chhamb lawmnaah hian 5 Assam Regiment 1971-a rál dotu zinga damte leh an chhungte an tel. Lt. Col. Clement Lalhmingthanga chuan, Battle of Chhamb-a Pakistan thil tum chu hlawhtling se chuan, India ram tana pawi tak nih theih tur a sawi a; Assam Regiment-te'n an lo dan avangin India sorkarin chawimawina Battle Honour of Chhamb-71 a pek thu leh, Theatre Honour of Jammu and Kashmit a pek thu a sawi bawk