Thingdawl RD Block golden jubilee lawm

Rural Development & Administration minister Prof. Lalnilawma chuan December 5, 2025 khan Thingdawl RD Block golden jubilee a hmanpui a, Thingdawl Panchyat Bhavan cum BDO office thar a hawng.

Prof. Lalnilawma chuan, RD department hnuaiah mi tam takin malsawmna an dawng tawh tih a sawi a, "IAY aṭanga in sak ṭanpuinate an dawng a, eizawnna ngêlnghet neih phah hialte pawh an awm. Thil ṭha ti duh leh ngaihtuahna ṭha pu kan pun belh zel hi a lawmawm. Chutih rualin, ṭanpuina dawng si, a hmanna tur dik taka hmang lo an awm ṭhin a, a pawi hle," a ti a; thil ṭha ti turin inelna thianghlim neih a pawimawh thu a sawi.

Bialtu (Tuirial) MLA K Laldawngliana pawhin thu sawiin, Panchyat Bhavan leh BDO office building sak a nih theihna tura thawktute chungah a lawmthu a sawi a; BDO pisaa thawkte chu mi dang tana malsawmna ni turin a chah.

Thingdawl RD Block hi kum 1974-ah din a ni a, a hnuaiah village council 20 a awm mek. Panchyat Bhavan cum BDO pisa sak nan Rs 2,04,96,000 sen a ni.