MLA-in KMMTTP a tlawh

KMMTTP Impact Study Group Committee chairman T Lalhlimpuia, MLA chuan December 6, Inrinni khan Myanmar leh India inrina Zochachhuah leh Hmawngbuchhuah khua bakah a chhehvel khuate a tlawh a; Kaladan Multi Modal Transit Transport Project (KMMTTP) hmalakna kal mekah Mizoram leh Mizo mipuia a nghawng awm thei tur thilte a thlithlai.

Act East Policy hnuaia KMMTTP hmalakna kalpui mekah hian sorkar laipui chuan Mizoram chhim tàwp Zochachhuah thlengin kawngpui a sial zo tawh. Zochachhuah (Mizoram) aṭanga Myanmar ram chhung lam Paletwa thlenga kawngpui sial tur chu hna la thawh mek zel a ni.

Zochachhuah leh Paletwa inkar kawngpui siam hi kum 2027-ah chuan zawh tawh turin sorkar laipui thuneitute chuan an ruahman nia tarlan a ni.