Eirawngbawlna gas man bithliah thar a ni

Indian Oil Corpora­tion-in eirawng­bawlna gas (LPG) man a tihchhuah thar zûlzuiin Food, Civil Supplies & Consumer Affairs department chuan gas man a bitliah thar. Domestic cylinder (kg 14.2) man tihdanglam a ni lo a, gas bûr dang man erawh tihhniam a ni.

FCSCA department tarlan danin, Vairengte­ah gas domestic cylin­der man Rs 996 a ni a, Vairengte tih loh hmun dang zawngah gas domestic cylinder man hi Rs 1,005 niin, hriat theih chinah June 2025 aṭang khan domestic cylinder man hi tihdanglam a la ni lo. Composite (kg 10) bûr pawh Vairengte bikah June thla aṭang khan Rs 714 a la ni reng bawk.

Vairengte tih loh hmun dang zawngah commercial cylinder (kg. 19) man Rs 2,027 (November-ah Rs 2,037), XtraTej (kg. 19) man Rs 2,049.50 (November-ah Rs 2,059.50) leh composite (kg. 10) man Rs 723.50 (November-ah Rs 724) a ni.

Commercial cylinder hi Vairengteah chuan bûr khat Rs 2,012.50 (November-ah Rs 2,023), XtraTeJ Rs 2,035 (November-ah Rs 2,045.50) leh composite Rs 714 (November-ah Rs 714) a ni bawk.

Gas man bithliah thar hi December 1, 2025 khan hman ṭan ni a; home delivery kalpui tawhnaah chuan gas manah hian Rs 70 belh zel tur a ni a, kudam-a hralh a nih erawh chuan Rs 33.43 zel paih tur niin, point delivery kalpuinaah chuan Rs 7.53 belh zel tur a ni.