Long Term Plan kum 25-na lawm

Sihphir Venghlun chuan nimin khan Nausel phaiah Long Term Plan Tuirial Project an siam kum 25-na an lâwm a, bialtu MLA Lalthansanga, Land Resources, Soil and Water Conservation minister leh director Vanlalmuanpuia ten an hmanpui.

Longterm Plan Tuirial Project hi kum 2000 khan din a ni a, a tir lamah hatkora chin ni mah se, harsatna hrang hrang vangin an hlawhtling lo. Kuhva an buaipui leh a, chhungkaw 94-in kuhva chíngin, a tam zawk chuan an thar ṭan a ni.

Minister Lalthansanga chuan, kut hnathawktute'n an thawhrim rah an seng chu a lawmpui thu sawiin, "Kut hnathawktu mi tumruh leh taima ten long term plan in nei hi a lawmawm. He lai hmunah chhungkaw eng emaw zatin eizawnna ngêlnghet tak mai in nei a, kut hnathawktute tan sorkar a inhawng reng a ni," a ti.

LRSWC Minister chuan, Sihphir Venghlun chu khaw taima, bawnghnute leh thlaia Aizawla châwmtu an nih thu te, Sihphir Venghluna ṭhelrêt chingtute chu CM Rubber Mission aṭangin theihtawp an chhuahpui zel dawn thu te, an feh kawngte chu PCC flooring-a siam a nih theih nan theihtawp chhuah a tum thute a sawi bawk.