Larsap hoin Assam leh Nagaland din champha lawm

Governor Gen. Dr Vijay Kumar Singh hoin December 11, Ningani khan Raj Bhavan-ah Ek Bharat Shreshtha Bharat hmalakna hnuaiah Assam leh Nagaland state-te din champha (foundation day) lawm a ni.

Foundation day lawmnaah hian Assam state aiawhin Assam Cultural Society president Prof. PC Kalita, College of Veterinary Sciences & Animal Husbandry, Selesih leh Nagaland state aiawhin Dr Bendangchuchang Longchar, PUC-a assistant professor ten an state chanchin an sawi. Assam leh Nagaland chanchin pho lanna video thlirho a ni a, state pahnih leh Mizo zirlaite'n hnam lâm leh zaite an entir bawk.

Larsap Gen. VK Singh chuan, Ek Bharat Shreshtha Bharat chu India rama hnam hrang hrangte inpumkhatna leh inunauna ṭha siamna tura ruahman a nih thu a sawi a; kal khawmte chu an kalna hmun apiangah mahni state leh hnam ziarâng, nunphung leh tih dante chawi lâr a, mi dangte zirtir ṭhin turin a chah.