Nghakuai Chiah Rûnpui

Fisheries department, Keiṭum VC leh YMA, Tourism department leh Mizoram Angling Associate te chuan nimin khan Tuichâng luiah Nghakuai Chiah Rûnpui an buatsaih a, bialtu MLA Lalmuanpuia Punte-in a hawng.

Lalmuanpuia Punte chuan, khawtlang hruaitute leh department hotu te, mipui ṭanrualna leh thuawihna vangin Tuichang luia nungchate hlawhtling taka hum-halh a nih thu a sawi a, "Sangha chauh ni loin, nungcha dangte pawh humhalh pung ila, ram changkangte'n sa pêl hun (hunting season) an siam anga tih ve theih khawpa nungcha humhalh uar turin Mizoram khaw tin ka sawm a ni," a ti.