Sorkar flagship Bána Kaih Scheme Phase II-ah dilna 40,928 lut tawh

Mizoram sorkar flagship programme Bána Kaih (Handholding) Scheme Phase-II hnuaiah progress partner nih dilna 40,928 a lut tawh. Phase-I hnuaia loan component-a progress partner-te loan interest chu sorkarin a pe dawn a; loan interest hi September 2025 thla tawp anga chhût tawh niin, Finance department kutah a awm mek.