DEAF Awareness Camp buatsaih

Serchhipa Lead Bank Office, leh RBI bultumin December 12, 2025 khan Serchhip DC Meeting Hall-ah Depositor Education and Awareness Fund (DEAF) Awareness Camp leh Financial Literacy Campaign buatsaih a ni a, Serchhip SDO (Sadar) Rebecca Laldinmawii Hrahsel-in a hmanpui.

SBI, Serchhip Branch-a DEAF account pawisa lut tawh mi pahnih hnenah DEAF (an sum kirna) chinfelna lehkha chu Serchhip SDO hian a hlan a; Serchhip khawpuia sorkar hnathawk te, bank branch hrang hrang manager-te leh NGO aiawhte an tel a ni.

Rebecca Laldinmawii Hrahsel chuan, Serchhip district-a bank branch hrang hrangah mimal leh pawl pawisa cheng nuai 19 vel kum 10 chuang account khawih chet tawh loh avanga DEAF-a a táng chu pawi a tih thu a sawi a, "Hetiang zat mipui sum a neitu dik takten lak let theih a nih dan inzirtirna hun ṭha a awm hi a lawmawm hle a ni," a ti.