NGO-te'n hamṭhatna atan CAB hman tum an duh lo

NGO Coordination Committee chu nimin khan Central YMA pisaah an ṭhukhawm a; Citizenship Amendment Bill (CAB) chu hamṭhatna atana hman an duh loh thu an tarlang.

Joint NGO chuan, tun hnaia CAB chungchanga Union Home Minister an hmuhnaah ILP nei state leh scheduled area-te chu CAB-in a huam loh tur thu a lo hrilh avangin lawmawm an tih thu an sawi a, "CAB chungchanga Mizo mipuite ṭanhonaah lawmthu kan sawi. CAB chungchangah Mizo mipuite inlungrual taka hma laho zel tur leh mimal, pawl leh political party hamṭhatna tur zawnga hma la lo turin kan ngen a ni," an ti.

Tripura refugee camp-a Bru awmte lâk lêt hna sorkarin November 2019 thleng chauh thawh a tum avangin lawmawm an tih thu sawiin Joint NGO chuan, November 30, 2019 hnu lama mahni duh thua Mizorama lêt (self repratriation)-te chu sorkar aṭanga hamṭhatna pek ṭul loa an ngaih thu an tarlang bawk.