Champhai district CD ratio 58.72%

Champhai District Consultative Committee (DCC)/District Level Review Committee (DLRC) chu additional DC James Lalnithanga kaihhruaiin December 12, 2025 khan an ṭhukhawm a; July-September, 2025 chhunga Champhai district-a bank 18-te credit deposit (CD) ratio 58.72% a nih thu tarlan a ni.

James Lalnithanga chuan, mi tin ban phaka banking facility chhawp a ṭul thu a sawi a, "Bank kaltlanga hamṭhatna awmte a dawng turte’n an dawn theih ngeina turin zau zawka inzirtirna kalpui a ṭul takzet," a ti.

Champhai Addi-tional DC hian Reserved Bank of India hnuaia Depositor Education and Awareness Fund (DEAF) a hawng. DEAF hi Ministry of Finance hnuaia Department of Finance Service ruahman a ni a; bank hrang hranga mi thi tawh leh chhan dang vanga bank account khawih chêt tawh loh vanga pawisa tangte account neitu leh an chhungte'n an neih let leh theihna tur a ni. Champhai district-ah account khawih chet tawh loh 3,452 a awm a, chuta pawisa awm zat chu Rs 5,86,327.6 a ni.

Ṭhutkhawma tarlan danin, Champhai district-ah hian bank branch 18 a awm mek a; public sector bank panga, private sector bank panga, regional rural bank pasarih leh state cooperative bank pakhat a ni. ATM booth 10 a awm bawk.

July - September, 2025 chhung khan Champhai district-a bank-te CD ratio chu 58.72% a ni a, RBI-in CD ratio ṭha ni tura a bituk zat 60% an phak lo a ni.