NISHTHA training buatsaih

District Institute of Educa-tion and Training (DIET), Aizawl chuan December 2 aṭang khan an hmunah National Initiative for School Heads' and Teachers' Holistic Advancement (NISHTHA) training an buatsaih a, nimin khan an khâr. Training-ah hian SDEO Aizawl South leh SDEO Aizawl East chhunga primary school headmaster leh zirtirtu mi 124 an tel a ni.

NISHTHA hi August 21, 2019 khan sorkar laipuia Ministry of Human Resource Development-in India ram puma hman turin an tlangzarh a, India rama state hrang hrangah training buatsaih tur a ni. DIET, Aizawl hian training vawi hnih an buatsaih tawh a, December 9-13, 2019 chhungin SDEO Darlawn leh SDEO Saitual chhunga middle school leh primary school headmaster leh zirtirtu mi 150 tan buatsaih leh a ni ang.