Prepaid smart meter vuah tawhte postpaid-in bill siam phawt dawn

Power & Electricity department chuan hriattirna chhuahin, kawlphetha hman zat tehna (energy meter)-te chu pawisa pek lâwk theihna (prepaid smart meter)-a thlâk mek a nih thu an tarlang a, "Smart meter vuah tawhte hi tun dinhmunah chuan postpaid hmanga bill siam phawt tura ruahman a ni a, prepaid-a bill siam a nih dawnah hriattirna chhuah leh a ni ang," an ti.

PE department tarlan danin, smart meter hi Aizawlah vuah hmasak a ni a, district khawpui dang leh thingtlang lamahte vuah chhunzawm tum a ni. Prepaid smart meter hmang tura inpuahchahna avangin mipui hriattir ngaite inhriattir lâwk a ni a, billing period siam rem hun tur erawh mumal takin hriattirna tihchhuah leh tur a ni.

PREPAID SMART METER
* Smart meter vuah tawhte chu tun dinhmunah chuan postpaid hmanga bill siam phawt tur a ni a, prepaid-a bill siam a nih dawn hunah hriattirna chhuah leh a ni dawn.

* Smart meter vuah tawhte chu postpaid-a bill siam ni rih mah se, prepaid-a bill siam theih tura lo inpuahchah lâwk a ngai a, inpuahchah nan billing period siam rem (pawh fân) a ngai dawn.

* Billing period siam rem hi siam rem thla vawi khat bak thla dangah chhunzawm a ni dawn lo.

* Billing period siam rem thlaah billing period a rei deuh dawn a, smart meter vuah tawh consumer-te'n electric an chhit zat (unit) pawh a tam deuh tura ngaih a ni.

* Electric bill a tam phah deuhin a rinawm a, nimahsela, slab tina unit awm thei zatte chu chawhrual a nih tho dawn avangin thlabia electric bill (ni 30 hisap) chu a san phah dawn lo a, electric chhit man (slab-rate) a ngai reng dawn.