Iron rod bûk tling lo man

Legal Metrology chuan complaint an dawn bawhzuiin December 3, Thawhlehni khan Dawrpui South, Sairang Road-a iron rod zuartu J Than-kunga (Mana International) dawr an endik a, iron rod hralh chhuah, a bûk tling lo eng emaw zat an man. Dawr neitute lakah thubuai an ziak lut a ni. 

Legal Metrology enforcement-te chuan Mana International aṭanga hralh TMT bar milimetre 10 kg. 2,005 (quintal 20.05) anga hralh chu kg. 1,795 (qtl. 17.95) chauh a ni a, kg. 250 (qtl. 2.5)-in a tling lo tih an hmu chhuak a ni. Iron rod mm. 12, kg. 424 anga an hralh pawh kg. 406 chauh a ni tih an hmu chhuak bawk.

Legal Metrology chuan, thil leitu, in satute chu an iron rod leiah fimkhur turin an chah a; hre chiang duh leh harsatna nei chuan Legal Metrology office, Hunthar Veng, Company péngah hriattir theih reng a nih thu an tarlang.