Mizoram UPC khawmpui a ṭiak

Mizoram UPC kohhran hnuaia inkhawmpui lian ber General Assembly chu nizan khan a ṭiak a, December 6 aṭanga neih ṭan inkhawmpui hi rorel leh revival inkhawmtea hun hman a ni. 

Revival inkhawmah Rev. Dr. Ngurthanpara Sailo, Rev. P Lalrinawma, Rev. Jeremy Lee Lang leh Rev. F Lalnghakliana ten rawngbawlna hun an nei a, nimin chawhnu khan general superintendent Rev. Vanlalsipaia chuan Lalpa zanriah sacrament a buatsaih. 

December 6 leh 7 chhunahte rorel a ni a,  kum 2020 budget atan cheng vbc.12.69 an pawm. General Assembly report-a a lan danin Mizoram UPC kohhranah hian member 67,981 an awm mek a, pastor bial 75 awmin pastor 104 an nei mek a ni. Ministerial licence nei hi mi 275 an awm a, mission field 21 nei mekin missionary 164 an awm mek bawk.