Synod Inkhawmpui a ṭiak

Inrinni nileng khan rorel chhunzawm a ni a, kum 2020-2021 Mizoram Synod budget atan Rs. 3,67,32,97,000 an pawm a, kum 2019-2020 budget Rs. 3,28,93,94,000 aṭangin 11.67% in a pung a ni. Nimin Pathianni chawhma inkhawm­ah moderator Rev R Lalchangliana'n pastor atan mi 15 nemnghetin, pro. pastor atan mi 16 a dahnghet. Chawhnuah Lalpa Zanriah Sakramen kilho a nih bakah, sunna hun hman a ni. Zan inkhawmah moderator kal chhuak Rev. R Lalhmingthanga'n Pathian thuchah a sawi. 

SEC leh Board aṭanga thu lut an pawm zinga langsar zualte:

q    ATC-a Doctor of Theology (Old Testament) zirna hawn.

q     South east Asia ram hrang hranga mission kalpui dan tur.

q     Tunlai thiamna hmanga nau pai leh fa neih chungchanga kaihhruaina.

q     Synod sum vawn dan enṭhatna.

q     Synod Hospital doctor-te hlawh chungchanga lungawi lohna chungchang.Synod doctor-te hlawh tihsanna tura ruahmanna pawm a ni.

q     Sikulpui hman leh enkawl zui dan tur chungchang. (Sikulpui hi sorkarin Synod enkawl turin a lo hlan tawh a ni).

Budget head ṭhen dan : 

    I. PASTORAL

1.     Pathian ram, etc. - Rs. 1,56,84,93,000

2.     Education - Rs. 68,37,000

3.     Presbyterian Communication - Rs. 21,95,90,000

4.     Synod Hospital - Rs. 52,21,96,000

5.     Mizoram Christian College - Rs. 66,20,000

6.    Department dangte - 8,04,57,000

    Pastoral Total - 2,40,41,93,000

Pastoral bikah kum hmasa 2019-2020 budget Rs. 2,02,97,99,000 aiin 18.44% in a pung.

    II. MISSION

1.     Ramthar, etc. - Rs. 1,15,71,94,000

2.     Field receipt - Rs. 11,19,10,000

    Mission total - Rs. 1,26,91,04,000

Mission bikah kum 2019-2020 budget Rs. 1,25,95,95,000 aiin 0.75% in a pung.