Tun hnaiah Mizoram a overdraft lo

Reserve Bank of India (RBI) chuan December 15-17, 2025 chhung khan Mizoram sorkara finance officer-te tan government banking leh accounting chungchangah workshop a buatsaih. RBI hotute chuan, tun hnaiah Mizoram chu a overdraft loh thu an sawi.

RBI chief general manager Sivakumar Bose leh officer dangte'n thil pawimawhte an zirtir a; RBI hotute chuan, Mizoram chu tun hnaiah a overdraft loh thu sawiin, "State tê zingah chuan cash management-ah a che ṭha pawl a ni," a ti. State IFMIS kaltlanga e-Payments-ah hmasawnna an hmuh tam thu an sawi rualin, e-Receipts-ah ṭan lak a ngaih thu an sawi bawk.

Zirhona hi sorkar sum enkawlna, account kalphung, digital payment system, cash management leh public debt management chungchanga state sorkar official-te hriatna leh thiamna tihchakna tura buatsaih a ni a; zawhna leh chhanna hun hman a ni.