KHAWTHLIR

Sahuan khâr dawn

Aizawl Zoological Park chu Krismas leh kumthar vuakvetah khâr a ni dawn. December 24, 25 leh 26 bakah, kum thar January 1 leh 2-ah te khâr a ni dawn a; heng bakah hian Pathianni apiangin khar chhunzawm a ni ang.

Minister-in hawng

PHE minister Prof Lalnilawma chuan December 17, Nilaini khan Keifang Venghlun Zawlbukah PHE, Saitual Watsan Division, District Panchayat Resource Centre leh Saitual Bawrhsap Multipurpose Centre a hawng. PHE, Saitual Watsan Division-ah hian hmun danga thawk sa mi pali - EE, UDC, LDC leh IV grade pakhat ṭheuh an awm dawn.

Darthlalang

C Lalbiakdika lehkhabu ziah, 'Darthlalang' tih chu nimin khan Kaphleia Hall, Tachhipah Mahmuaka Chhakchhuakin a tlangzarh.

Minister-in enpui

Urban Development & Poverty Alleviation minister K Sapdanga chuan December 17, Nilaini khan Champhaia UDPA pisa a tlawh a; officer leh thawktu dangte kâwmin, an hnathawh dan leh an hmalakna hrang hrangte a enpui a ni.