MPF-in budget atan Rs 14,18,000 pawm

Mizoram People Forum (MPF) chuan nimin khan Vanapa Hall-ah Annual General Meeting vawi 18-na an hmang a; kum 2026-27 budget atan Rs 14,18,000 an pawm.

MPF inkhawmpui chawhma inkhawm chu vice president Nghaklian-mawia'n a kaihhruai a, general secretary Rev. Lalramliana Pachuau-in MPF hmalaknate leh hmachhawpte a sawi. Chawhnu lam inkhawm chu MPF president Rev. RC Lalnghakliana'n a kaihruai a, MPF president thar Rev. John Raldosanga hnenah president nihna a hlan nghal.

MPF Annual General Meeting-ah hian MPF vice president Rev. Lallawmthanga thuziak 'MPF hmasawnna tur' tih leh Rev. K Lalrinmawia buatsaih 'Sorkar ṭha nei tura mawhphurhna' tih thupui zirho a ni.

MPF inkhawmpuiah hian Governing Board, District Forum, Constituency Forum, Local Forum leh pawl hrang hrang aṭanga palaite an tel a ni.