Territorial Army hmun tur enfiah

State Level Committee on Territorial Army Coordination and Establish-ment leh Mualkawi VC chuan Champhai South bialtu MLA Lt Col. Clement Lalhmingthanga hoin December 17, Nilaini khan Champhai Mualkawia Mizo Territorial Army awmna hmun tura ruahman an enfiah.

Territorial Army awmna tur hmunhmate peih a nih hmaa an lo awm lailâwkna tur Tlangsama Polytechnic hmunhma leh a building thawm ṭhat dan turte a hmunah an en nghal a; department hrang hrangte'n hmalak dan tur an sawiho a ni.

MTA tur lakna a kal mek a, recruitment hi Mizoram sorkar leh 166 INF BN (TA) (Home & Hearth), Assam ten an buatsaih a ni. Mizoram leilung fate tan general duty-ah mi 144 lak a ni dawn a, hmeichhe tan seat pakua hauh a ni.

MTA hmunhma ennaah hian Home joint secretary Lalduhtlanga, Sainik Welfare & Settlement director Dr Surg. Cdr Lalnuntluanga, 166 INF Bn (TA) company officer Lian Vaiphei leh a kaihhnawih department aiawhte an tel.