Lunglei dist head of office-te ṭhukhawm
Lunglei district chhunga head of office-te chu November 6 khan DC K Lalrinzuali hoin an ṭhukhawm a, department hrang hrangten an hmalakna leh an harsatna neihte an sawiho.
K Lalrinzuali chuan mahni department chan ṭheuh fimkhur leh taima taka enkawltu head of office-te chungah lawmthu sawiin, "Department hrang hrangten thawhhona ṭha tak nen hma an la tlang ṭhin hi a lawmawm. District ti hmasawn zel tur leh mipuite himna tura dan leh thupekte ṭha taka kenkawh zel anih theihnan department-te'n thawhhona ṭha tak neih chhunzawm zel a ṭul," a ti a, hna in kal thuah leh duplicacy awm lohna turin district chhung department-te chu an hmalaknate in hriat sak ṭhin turina chah.
Lunglei district-a Tlabung sub division huamchhunga dan loa khaw din/khaw per chungchang pawh sawilangin Lunglei DC chuan department hotute chu heng khuaah te hian hmalakna thar kalpui lo turin a hrilh. K Lalrinzuali chuan Krismas leh kumthar vuakveta mipuite an him tlan theihna tura theihtawp chhuah turin mawhphurhna neitute chu chah nawnin, harsatna an tawhte district administration hotute hnena thlen vat ṭhin turin a sawm.