Khaw pahnihah Joint Operation nei

Kolasib Sub-Head-quarters YMA hnuaia Kumpuan Committee member te, Kolasib Police, Excise & Narco-tics Department leh Buh-changphai YMA te chuan nimin khan Saihapui-K leh Bukvannei khuaah Joint Operation an nei a, zu eng emaw zat an man.

Joint Operation-ah hian beer bûr riat, sapzu ûm sarih leh rakzu litre 100 vel an man a, a neitu awm lo vek a ni a, zu mante hi a hmunah tihchhiat nghal a ni.

Operation-ah hian YMA member thawk chhuakte chu Sub-Hqrs YMA Kumpuan chairman C Liankunga'n a ho a; Police aṭangin Kolasib Police Station officer in-charge Vanlalthanga hoin eng emaw zat an tel a; Excise & Narcotics aṭangin Zohmingliana hoin an thawk chhuak bawk. Hunpui vuakvêtah nasa zawka beihpui thlak zel an tum a ni.