KHAWTHLIR

Synod Office khâr

Synod Office chuan December 18, Ningani khan JM Lloyd Hall-ah Synod Office-a thawk, kum thara pension-a chhuak tur mi pariat leh hmun danga insawn tur mi panga thlahna hun an hmang. Thlahna inkhawm hi Synod superintendent Upa Rochungnunga'n a kaihruai a, ngaihhruina thilpek an hlan a ni. Synod Office hi vawiin aṭangin khar a ni dawn a, January 7, 2026-ah hawn ṭan leh a ni ang.

Carol-ah Rs 3,43,219

Electric Veng Branch YMA chuan an venga mi harsate pualin December 18, Ningani zan khan Krismas Carol an nei a, Rs 3,43,219 an hmu. YMA member-te chu an section ṭheuhah an carol a, mi 837 an thawk chhuak. Carol aṭanga sum an hmuhte chu an la sem chhuak leh dawn a ni.

CM Rubber Mission

Lawngtlai District Level Committee on Chief Minister Rubber Mission chu nimin khan an chairman Donny Lalruatsanga, bawrhsap hoin a pisaah an ṭhu a, ṭanpuina dawng turin ṭhelrêt la chîng lo, chîng thar tur mi 30 an thlang. Mi 30-te hi sorkarin kum 4 chhung atan Rs 3,00,000 ṭheuh a pe dawn a ni.