Lal Riliani vui liam a ni

Lal Riliani (82) w/o Lal Thanhawla (chief minister hlui) chu December 20, Inrinni zing dar 9 khan Ebenezer Medical Centre-ah a thi a, nimin khan Zarkawt Presbyterian Kohrran Sunday School Hall-ah vui a ni.

Lal Riliani hi January 24, 1943-ah Lungleiah a piang a, February 24, 1969-ah Lal Thanhawla nen inneiin, fapa pakhat leh fanu pathum an nei. Nasa taka vaihlo zûk leh hmuam dotu niin, Indian Society on Tobacco & Health, Mizoram Chapter-ah a thih thlengin president a ni a, hei vang hian chawimawina eng emaw zat a dawng tawh. Pawl hrang hrangah hruaitu pawimawh a ni ṭhin bawk.