Aizawl dist-ah kuminah sárthi 158; Phone bo 745 hmuh lêt a ni tawh

Aizawl district police - District Executive Force (DEF) chhinchhiah danin, kumin 2025-ah December 17 thleng khan Aizawl district-ah sárthi (unnatural death) 158 an awm tawh a; mobile phone bo 745 hmuh let a ni tawh.

Aizawl SP Zosangliana leh MJA member-te December 18, 2025-a an inkawm ṭuma Aizawl SP tarlan danin, kuminah December 17 thleng khan Aizawl district-ah sárthi mi 158 an awm a, chu'ng zinga mi 36 chu damdawi ruihhlo overdose an ni. Mahni intihlum (suicide) mi 30 leh tuitla 12 an awm a, mi dang 78 chu chetsualna (accident) hrang hrang vanga thi leh thih chhan hriat chian lohte an ni.

Aizawl DEF huam chhungah kumin chhungin CEIR portal hmangin mobile phone bo 745 hmuh lêt a ni tawh a, phone bote chu a neitute hnenah pek let nghal zel a ni.

Aizawl district-a police station zingah Bawngkawn PS-ah phone bo hmuh lêt tam berin, 318 a ni a; Sialsuk PS, Darlawn PS leh Sakawrdai PS-ah te phone bo hmuh let a awm lo thung.

PHONE BO HMUH LET ZAT

1. Aizawl PS - 150

2. Bawngkawn PS - 318

3. Vaivakawn PS - 105

4. Kulikawn PS - 70

5. Sairang PS - 6

6. Crime Branch - 96

TOTAL - 745