New West Phaileng golden jubilee & haw runpui

New West Phaileng khua chuan vawiin khan an khaw kum 50 tlin lawmna leh haw runpui an buatsaih a; bialtu MLA Dr R Lalthangliana'n hmanpuiin jubilee lungphun a hawng.

New West Phaileng khua hi kum 1975-ah din a ni a, West Phaileng khua aṭanga indang niin chenna-in 431 leh mihring 2,524 an awm mek a ni.

Khuallian Dr R Lalthangliana chuan, New W. Phaileng khuain Golden Jubilee lawmna hun leh haw runpui an hmang thei chu a lawmpuithu a sawi a, "Hetiang huna a lawmna ropui tak kan nei thei hi khawtlang inlungrualna vang a ni a, khawtlang hruaitute inpekna a fakawm takzet," a ti.

Jubilee lawmna inkhawm hi New West Phaileng VC president PC Zarzoliana'n a kaihruai a, bialtu pastir (PCI) Rev. Lalremliana Colney chuan hunserh hmangin, souvenir sub-committee chairman C Lalramthanga'n jubilee souvenir a tlangzarh a ni.

Jubilee zaipawl leh mimal bakah YMA Chhang ten zai leh lamte an entir a; tlaiah jubilee ruai kilho niin, zanah jubilee concert buaitsaih a ni bawk.