Mi 8,726-in tlawh

Zawlpala Thlântlang hian tlawhtu a ngah sâwt hle. Phulpui YMA-in an chhinchhiah danin, kum 2025 chhung khan mi 8,726-in an tlawh a, tlawhtu zingah naupang 680 an tel.

Tlawhtu tam ber thla December-ah mi 1,365-in tlawhin, January-ah mi 1,269-in an tlawh a, tlawhtu tlem ber thla May-ah mi 292-in an tlawh. Kum 2025 chhung vêk khan Zawlpala Thlântlángah mi 213 an riak a, riak an tam ber thla December-ah mi 65 an riak lut a ni. 

Zawlpala Thlantlanga kal tur hian tlang tawntirhah gate awmin, luh man pek a ngai. Sarâng/plastic lam chi báwm leh tuiûm keng lutte'n tlángah hnutchhiah loin, ken chhuah leh vek tur an ti a; keng lêt leh lote chu pawisa an chawitir ṭhin a ni.