Sorkar file-in officer dawhkan pali chauh kaltlang turin rawt

Mizoram Resource Mobilisation Committee chuan chief minister Lalduhoma hoa December 29, 2025-a CMO Conference Hall-a an ṭhutkhawmah, Administrative Reform Commission, 2019 rawtna chungchang an thlir a; Commission rawtna - file-in officer dawhkan pali chauh kaltlang tura rawtna chu tlema her rem deuhin, department ṭhenkhata enchhin turin DPAR lama thlen an rêl.

Ṭhutkhawma an rua-hman dan chuan, under secretary a awmna depart-ment-ah chuan deputy secretary awm lo se, deputy secretary zawk a awm chuan under secretary awm lo se, an ti. Joint secretary awmna department-ah chuan additional secretary awm lo se, additional secretary zawk a awm a ṭul chuan joint secretary awm lo se, an ti bawk. Rua-hmanna kalpui chhinna tur department thlan chu DPAR kutah dah a ni.

Mizoram Resource Mobilisation Committee ṭhutkhawmah hian, Secretariat-a e-office kalpui a nih hnua a nghawngte zir chian ni se, tia rêl a ni bawk.