Earthquake Mock Drill nei dawn

Mizoram pumah January 13-15, 2026 khian lirnghing thlen thulha chêt lak dan tur a taka tih chhinna 'Earthquake Mock Drill' neih a ni dawn a; State Disaster Management Authority leh district 11-a Disaster Management Authority member-te chuan nimin khan video conferencing kaltlangin mock drill chungchang an rel.

Sawihona hi National Disaster Management Authority (NDMA) senior consultant (ME-IRS) Brig. Ravinder Gurung chuan a telpui a; January 13, 2026-a table top excercise nei dan tur te, presentation petu tur te, mock drill neih ni tur January 15, 2026-a mock drill on earthquake disaster kalpui dan tur leh mipui an ralkhel lohna tura hmalak dan turte an sawiho a ni.