Young Leaders Dialogue-a tel turte Bawrhsapin vailiam

Serchhip district bawrhsap Paul L Khuma chuan nimin khan Serchhip College kawt aṭangin January 9-11, 2026 chhunga New Delhi-a neih tur 'Viksit Bharat Young Leaders Dialogue (VBYLD) 2026' a Mizoram aiawha Serchhip district aṭanga tel tur zirlai 16 a vailiam.

District Bawrhsap hian Viksit Bharat Young Leaders Dialogue-a Serchhip district aṭanga tel turte chu an chanvo tur leh inpuahchahnate a sawipui a; mi dang nena inthian ṭhatna leh inkungkaihna ṭha siam kawnga mi dang entawn nih tum tura chahin, tluang taka hun hmang turin duhsakna a hlan a ni.