Chief Secretary-in MZP hruaitute a kâwm

Citizenship Amend-ment Bill (CAB) vanga MZP-in vawiina total bandh huaihawt an tum chungchangah chief secretary Lalnunmawia Chuaungo chuan nimin khan MZP hruaitute CS Conference Hall-ah a kâwm, total bandh ṭhulh turin a ngen.

Chief Secretary chuan, Mizoram chu CAB-in a huam zingah a tel dawn loh avang te, Mizoram State Games neih lai mek a nih avang leh Aizawl páwn aṭanga Krismas châk lam tura kalkhawm hun lai a nih avangin bandh kaltlangpui lo turin MZP a ngen a ni. MZP lam erawh chuan bandh chu kalpui an tum thu an sawi thung.