Gas man bithliah thar a ni

Indian Oil Corpo-ration-in eirawngbawlna gas (LPG) man a tihchhuah thar zûlzuiin Food, Civil Supplies & Consumer Affairs department chuan gas man a bitliah thar. Domestic cylinder (kg 14.2) man tihdanglam a ni lo a, gas bûr dang man erawh tihsàn a ni.

FCSCA department tarlan danin, mipuiin eirawngbawlna atana an hman domestic cylinder (kg 14.2) man chu nikum June thla aṭang khan tihdanglam a la ni lo a; Vairengteah Rs 996 leh Vairengte tih loh hmun dang zawngah Rs 1,005 man a ni.

Vairengte tih loh hmun dang zawngah commercial cylinder (kg. 19) man Rs 2,138.50 (Dec. 2025-ah Rs 2,027), XtraTej (kg. 19) man Rs 2,161 (Dec. 2025-ah Rs 2,049.50) leh composite (kg. 10) man Rs 724 (Dec. 2025-ah Rs 723.50) a ni.

Vairengteah chuan commercial cylinder Rs 2,023.50 (Dec. 2025-ah Rs 2,012.50), XtraTeJ Rs 2,146 (Dec. 2025-ah Rs 2,035) leh composite Rs 714.5 (Dec. 2025-ah Rs 714) a ni thung.

Gas man bithliah thar hi January 1, 2026 khan hman ṭan ni a; home delivery kalpui tawhnaah chuan gas manah Rs 70 belh zel tur niin, kudama hralh a nih chuan Rs 33.43 zel paih tur a ni. Point delivery kalpuinaah chuan Rs 7.53 belh zel tur a ni bawk.