Aizawl hmun ṭhenkhatah kawng khâr dawn

Aizawl Traffic SP C Vanlalvena chuan hriattirna chhuain, Aizawl khawpui hmun hrang hrangah kawng siamṭhat hna leh tui pipe phum hna thawh a nih dawn avangin kawng khar (road block) a nih dawn thu a tarlang.

Traffic SP tarlan danin, LRM Hospital hnuai aṭanga Industry pêng inkarah PWD-in kawng an siam dawn a, hei vang hian vawiin zing dar 9 aṭanga naktuk zan dar 9 thleng kawng khar a ni dawn.

January 12, 2026 aṭangin Chanmari leh Chaltlang Dawrkawn inkar kawngpuiah PHE department-in pipe an phûm dawn a, hna thawh zawh hma zawng zan dar 8 aṭanga zing dar 6 inkarah kawng khar a ni ang.

Luangmual Chhangurkawn leh Luangmual Presbyterian Kohhran biak-in inkar kawng January 12, 2026 aṭangin siam a ni dawn a, hna thawh zawh hma chu ni tin zing dar 9 aṭanga tlai dar 5 thleng khar ṭhin a ni dawn.

Zemabawka NH-06 aṭanga Berawtlang Tourist Lodge panna kawng chu January 12-15, 2026 chhungin siam a ni dawn a, chawhma dar 10 aṭanga tlai dar 4 inkarah khar ṭhin tur a ni.