Coimbatore-a zirhonaah RDA Minister

NITI Aayog, Tamil Nadu State Council for Science and Technology leh Amrita Vishwa Vidyapeetham, Coimbatore-te chuan January 8-9, 2026 chhung khan Amrita Vishwa Vidyapeetham, Coimbatore-ah 'Workshop on Sustaining Innovation: Embedding R&D in State Institutions’ an buatsaih a; Rural Development & Administration (RDA) minister Prof. Lalnilawma telin, technical session a kaihruai.

Workshop-ah hian NITI Aayog Vice Chairman leh member-te bakah, mithiam sawm bikte an tel a, thupui hrang hrang sawiho a ni. January 9, 2026 khan ‘Linking Grassroots Innovation to State Policy’ tih thupuia hmangin technical session neih a ni a, minister of state Prof. Lalnilawma'n a kaihruai a ni.

Prof. Lalnilawma chuan, thuneitu sang zawkte'n an hnuai lam (grassroots)-te mamawh nia an ngaih angin thil ṭha tak tak siam chhuak ṭhin mah se, grassroot level-a a hmang ṭangkai tur tak takte nena a tir aṭanga inràwn leh sawiho a awm ṭhin loh avangin a ṭangkai tur angin a ṭangkai lo ṭhin tih a sawi a, "Innovation, a bik takin grassroots level-a kan kalpui dawn a nih chuan a tirte aṭanga a chhawr ṭangkai turte nen sawiho a, ruahmanna kan siam a ngai. Hei hi sorkar laipui leh state sorkarte pawhin kan theihnghilh ngai tur a ni lo," a ti.