Bawrhsapin kawng siam a endik

Lawngtlai district bawrhsap Donny Lalruatsanga chuan January 9, 2026 khan ABCI-te'n National Highway-02 kawng, Thingkah piaha Pi Awngi tuikhur leh 3rd IR Battalion inkar (meter 300) laih zauh hna an thawh mek a enfiah.

Donny Lalruatsanga chuan, ABCI-te'n chak takin hna an thawk nia a hriat thu sawiin, "Kawngpui zauh hna hi zawh tawh ni mah se, blacktopping, tui luankawr leh tlakdâlte siam leh a ngaih dawn avangin thâ thlah theih a ni lo," a ti a; mipui mamawhna hriaa chak zawk leh ṭha taka hna thawk zel turin ABCI hotute a chah.

ABCI hotute chuan, Bawrhsap hmalakna vanga kawngpui laih zau hna thawh theih a nih thu leh an lawmthu an sawi a; kawngpui blacktopping leh tlakdal (parapet) siam chu March 2026 chhunga zawh an tum thu an sawi bawk.