Kawng siamna khâwl suasamtu man

Lunglei SP J Lalmuankima chuan thuchhuah siamin, Aizawl-Thenzawl-Lunglei (ATL) kawng siamtute khawl suasamtu nia hriat T Lalrinmawia (39) s/o T Rongura (L), Lunglei Pukpui nia inchhal an man thu a tarlang.

Lunglei SP tarlan danin, ATL road siamtu SLT company-in kawng siamna khawl Pukpui daia an dah chu January 4-10, 2026 chhung khan suasam a ni a, tandem roller leh sensor paver machine electric wiring tan chhumin ruk bo a nih bakah, diesel litre 100 vel a bo. Lunglei Police Station-ah FIR thehluh a ni a, thubuai ziah luh a ni.

Lunglei police-te'n an chhui zui a, Forensic Science Laboratory expert-te'n hman an la bawk. Nimin zing khan Lunglei Zotlang YMA leh Pukpui VDP nen ṭangkawpin police-te chuan pawikhawihtu nia hriat T Lalrinmawia (39) s/o T Rongura (L), Pukpui nia inchhal an man. T Lalrinmawia hi police hmaah an inpuang tawh a, a inhnamhnawih ngei tih a sawi.