PM Vishwakarma inhrilhfiah

Nimin khan Siahaa DRDO Conference Hall-ah Siaha district-a PM Vishwakarma hamṭhatna diltute tan hriat tur pawimawhte inhrilhfiahna buatsaih a ni a, additional DC Abraham Beirazi Khithie-a'n a hmanpui.

Siahaa nimina inzirtirna hunah hian sorkar department official te, bank aiawh te, village council hruaitute leh PM Vishwakarma hamṭhatna diltute an tel a; zawhna leh chhanna hun hman a ni. Inhrilhfiahna hi district dangah buatsaih zel tum a ni bawk.

Abraham Beirazi Khithie chuan, sorkar laipui ruahmanna leh hmalaknate Mizoram mipuite'n an hre tâwk lo ṭhin tih sawiin, "State dang leh hnam dang kan phak lohna pawh niin a lang a, mipuite'n an hriat theih nan department mi leh sa leh khawtlang hruaitute'n ṭan kan lak a ngai," a ti a; PM Vishwakarma hnuaia hamṭhatnate chu an nih dan tur ang taka hmang turin hamṭhatna dawngtu turte a chah.