Lunglei IPR leh MJA inhlan tharna

Lunglei District Information & Public Relations pisaa thawkte leh Mizoram Journalists' Association (MJA) Lunglei District member-te chuan nimin khan Lunglei IPRO pisaah kum thar 2026 atana inhlan tharna hun an hmang.

Inkhawm hi Lunglei IPRO C Lalhruaitluanga'n kaihruaiin, fuihna thu a sawi a, Lunglei MJA president H Lalthansanga'n thu a sawi bawk. Lunglei district MJA-ah hian member 19 an awm mek a, chu'ng zinga 18 chu accredited journalist an ni.

Tarlan danin, kum 2025 chhung khan Lungleia IPR office-in thuchhuah (press release) 592 an tichhuak a, chung zinga 531 chu Mizo ṭawng niin, 61 chu English a ni a; video reels 83 leh flyer/poster 89 an siam bawk.