ZPM-in police hmalakna an chhuang

ZPM chuan thuchhuah siamin, Aizawl-Thenzawl-Lunglei (ATL) road siamtu SLT company khawl suasamtute Lunglei police-te'n rang taka an chhui chhuak leh pawikhawihtu an man chu lawmawm an ti a, police-te an chhuan thu an tarlang.

ZPM chuan, ATL road siam tikhaihlak zawnga misual an che chu pawi an tih thu an tarlang a, "Kawng siamna khawl tichhe zawnga chêtna hi tun ṭum chauh lo pawh a lo thleng tawh ṭhin. Mipuite'n kawng chhia vanga harsatna kan tawh ṭhinte sutkian nana sorkarin chak taka hma a lakna tibuai zawnga chetna hi a demawm tak zet a ni," an ti.

Vantlang tana hna thawhna hmanrua tichhia leh rubo zawnga khawsakna thleng nawn tawh lo se an duh thu ZPM chuan an tarlang bawk.