Minister of state-in kâwm

Minister of state B Lalchhanzova chu January 13, Thawhlehni tlai khan Agartala Mizo Welfare Association hruaitute nen Agartala-ah an inkâwm a, Rs 5,000 bakah, hmàrám leh ngotekherh eng emaw zat a pe.

B Lalchhanzova chuan, Agartala leh Aizawl inkar bakah, Kanhmun leh Mizoram rîa awm khuate tan maxicab service ṭha zawk a awm theih nan hmalak a nih thu leh, Lengpui leh Agartala inkarah thlawhtheihna direct flight a awm leh theih nan Ministry of Civil Aviation-ah dilna thehluh a nih thu a sawi.