KHAWTHLIR
Award dawng tur puang
Nimina Republic Day Lammuala lawmnaah President's Police Medal for Distinguished Service dawng turin CID (Crime) SP LR Dingliana leh Police Medal for Meritourious Service dawng turin Fire & Emergency Services director Laldawngliana, 1st IR Bn. commandant J Lalṭhafamkima Jongte leh SI (UB) Lalmanlianate thlan an nih thu puan a ni.
PYD Conference
UPC North East India hnuaia Aizawl East District leh North Mizoram District chhunga pastor bial 60-ahte chuan January 24 - 26 chhung khan ṭhalai inkhawmpui, Bial PYD Conference an hmang a, Inrinni khan rorel inkhawm neiin nizan khan inkhawmpui hi a ṭiak a ni.
Parade-a lawmman
Nimin Lammuala Republic Day lawmnaah parade contingent 30 an awm a, Mizoram pawn aṭangin contingent pakhat Assam aṭangin IR an rawn tel. Lawmman dawngtute chu armed-ah pakhatna 46th Assam Rifles, pahnihna 1 Mizo Air Squadron NCC Armed, pathumna Mizoram Home Guards; unarmed-ah pakhatna Pachhunga University College NCC, pahnihna Ex-Servicemen, pathumna 1 Mizo Air Squadron NCC leh school-ah pakhatna Govt. Mamawii H/S, pahnihna Oxford HSS, pathumna Springfield HSS te an ni.