Mock Exercise on Earthquake buatsaih a ni
National Disaster Management Authority (NDMA) leh Disaster Management & Rehabi-litation (DMR) depart-ment bultumin nimin khan Mizorama district khawpui tinah lirnghing vanga chhiatna thlen thulha chhanchhuahna leh chhawmdawl hna thawh dan tur a taka tih chhinna 'Mock Exercise on Earthquake' buatsaih a ni.
Mock Exercise-ah hian chawhma dar 10 aṭangin lirnghing vanga Mizoram district hrang hrang hmun 36-a in chim, kângmei chhuak leh chhiatna dang dang thlenga chhanchhuah hna thawh dan tur tih chhin a ni a; khaw thim hnuah chhanchhuah leh chhawmdawl hna thawk turin harsatna a awm leh awm loh hriat nan tlai dar 5 aṭangin mock exercise neih leh a ni.
Tih chhinnaah hian district tina Quick Response Force mi te, Fire & Emergency Services mi te, National Disaster Response Force leh State Disaster Response Force mi te, sprkar department hrang hrang te, Assam Rifles leh Border Security Force sipai te, tlawmngai pawl leh volunteer-te an tel a; Assam leh Tripura aṭangin Central Industrial Security Force (CISF) mi eng emaw zat an tel bawk.
Mock Exercise hi State Emergency Operation Centre aṭangin NDMA consultant Brig. Ravinder Gurung, state observer pahnih PC Lallawmsanga, DMR secretary hlui leh Dominic Lalhmangaiha, DMR director ten an vil a; District Emergency Operation Centre te, incident site commander te, staging area manage-ment leh relief camp-a hmalaknate chu video conference hmangin thuneitute'n an vil bawk a ni.