Halpuah chungchangah lawmthu sawi

Central YMA chuan thuchhuah siamin, kum 2025 Krismas leh kum 2026 kum thar vuakveta halpuah leh halmawi chi hrang hrang khapna thupek a hlawhtlin theihna atana theihtawpa ṭan latu sorkar department te, YMA branch, group leh sub-headquarters-te chungah an lawm thu an tarlang.

CYMA chuan, Krismas 2025 leh kumthar 2026 vuakvetah sorkarin halpuah leh halmawi te chu mihring hriselna atana ṭha lo a nih avangin hâl lo turin thuchhuah a siam tih a tarlang a, "YMA pawhin kum tina mipuite kan inngenna a nih avangin branch/group leh sub-headquarters-te pawh theihtawpa mahni huam chhunga ṭan la turin kan ngen bawk," an ti.

Central YMA chuan, "Sorkar thuchhuah leh YMA ngenna avang hian kum dang aiin halpuah leh halmawi hâl a nasa lo niin a lang a, hâl hun chhung pawh a rei lo bawk niin a hriat," an ti a; "Mipuite leh theihtawpa ṭan la tu sorkar department hrang hrang te, YMA branch, group leh sub-headquarters te chungah CYMA chuan lawmthu a sawi tak meuh a ni," an ti bawk.