MCAB-in loan dilna 117 pek remti

16th January, 2026

Mizoram Cooperative Apex Bank Ltd. (MCAB) Board of Directors chu nimin khan an Head Office-ah an ṭhukhawm a; loan dilna eng emaw zat ngaihtuahin, loan dilna 117 pek an remti a, a vaiin cheng nuai 2,569 a ni.

MACB BoD ṭhutkhawm hi chairman Lalnunsanga'n a kaihruai a; loan dilna 117 an pawm zingah hian sorkar flagship brogramme Bána Kaih hnuaia loan dilna eng emaw zat a tel. State Level Banker’s Committee rawt angin bank awm lohna khua Saipumah MACB branch thar hawn an remti a, financial year kal mek chhung ngeia hawng an rêl.

Apex Bank hian kum 2025-26 chhungin deposit cheng vbc 1,787 an hmu a, loan cheng vbc 1,259 an pe chhuak tawh a; credit deposit (CD) ratio chu 70.5% a ni.