VC-te tan cheng vbc. 15.20 pe chhuak

Sorkar laipuia Ministry of Finance chuan Ministry of Panchayati Raj kaltlangin 15th Finance Commission hnuaiah Mizorama rural local body (village council)-te tan nimin khan cheng vbc 15.20 a pe chhuak.

Press Information Bureau (PIB) tarlan danin, Ministry of Panchayati Raj-in Mizorama VC-te tana cheng vbc 15.20 a pek chhuah hi untied fund kum 2025-26 chhunga mi leh 2024-25 second instalment a ni a; Mizorama VC 808-te hman tur a ni.

Mizoram VC-te tana untied fund pek chhuah hi khaw tihhmasawnna atana hman tur a ni a; faina leh thianghlimna, open defecation free ni tura hmalakna, bawlhhlawh sawngbawlna, ruahtui khawlna, tui lakna (supply of drinking water) leh tui sawngbawlna atante hman tur a ni.