Dec. 2025-ah CHA-ah mi 33,125 inentir

Civil Hospital, Aizawl (CHA)-ah December 2025 chhung khan out-patient depatrment (OPD)-ah mi 33,125 an inentir a; mi 1,205 admit niin, emergency (casualty)-a mi 2,955 enkawl an ni. Healthcare tihsak mi 758 an awm.

CHA tarlan danin, December 2025 khan damlo mi 1,205 admit niin, mi 1,188 chu damdawi-in aṭangin damin an chhhak a, mitthi 46 an awm. CHA hian khum 300 zinga 278 chu damlo awm theihna (functional bed) a ni. Emergency (casualty)-ah mi 2,955 enkawl niin, day-care admission tihsak mi 760 an awm a; khum awm loh vanga damdawi-in danga thawn mi 63 an awm bawk.

December thla chhung vek khan laboratory-ah mi 72,797 en an ni a; endoscopy-a en 337, damlo hnena thisen pek (blood transfusion) 2,130, echocardiography-a en mi 100, x-ray hmanga en mi 978, PFT mi 21, ultrasound-a en mi 523, EEG-a enfiah mi 30, CT scan tihsak mi 291, physiotherapy tihsak mi 1,052, ECG-a en mi 721, colonoscopy-a en mi 47 leh thil danga enkawl mi 363 an awm.

Inzai lamah zai pui (major surgery) mi 516 leh zai tenau (minor surgery) mi 683 an awm a; nau piang 306 awmin, mipa 161 leh hmeichhia 145 an ni a, thi saa piang pahnih an awm bawk a ni.