Smart meter vuah tan counter-ah installment-in bill a pek theih

Power & Electricity Engineer-in-Chief chuan electric smart meter vuah tawh consumer-te tana hriat tur a tichhuak a; bill period rei vanga vawi khata bill pêk tlâk harsate tan bialtu SDO remtihna lain bill counter-ah installment-in bill pek theih a nih thu a tarlang.

PE E-in-C chuan, January 2026 aṭangin smart meter vuah tawh consumer ṭhenkhatte tan automatic-a smart meter-in electric hman zat a chhinchiahna (smart reading) hmanga bill siam ṭan a nih thu a tarlang a, "Heng consumer-te tan hian billing cycle/billing period siamrem a ngai a, hemi insiamrem thla bik hi billing period thla khat aia rei te a awm. Hei vang hian hemi thla bik hi bill a tam deuh tura ngaih a ni. A hnua bill kal leh zel turah erawh billing period hi thla khat zel a ni tawh ang," a ti.

Billing period siamrem chu smart meter vuah thar apiangah a tahtawla kalpui a nih dawn thu tarlangin E-in-C chuan, "Bill period rei vanga vawi khata bill pêk tlâk harsate tan bialtu SDO-te remtihna lain bill counter-ah installment-a bill pek theih a ni," a ti a; zawhfiah duh nei tan mahni SDO-ah zawhfiah theih a nih thu a tarlang bawk.