CM leh DoNER Secretary inkâwm

Chief minister Lal-duhoma chuan nimin khan a pisaah Mizorama châm mek DoNER secretary Chanchal Kumar a kâwm a; Ministry of DoNER kaltlanga Mizoram hmalaknate a sawipui.

CM Lalduhoma chuan, DoNER-a Mizoram sorkar project inchiah mek (pending project)-te chu a rang lama chinfelsak turin DoNER Secretary a ngen a; sum sanction chhung rei ṭhinin hnathawhnaah nghawng a neih ṭhin avangin tihtawi dan ngaihtuah a ṭul thu a sawi.

Chanchal Kumar chuan, Mizoramin tun hnaia sawhthing sawngbawlna (processing unit) a nei thar chu a lawmpui thu a sawi a, "Sawhthing hi Mizorama loneitu tam takte innghahna a ni a, an thar tam tial tial a, a processing unit hi DoNER chuan a ngai pawimawh hle a ni," a ti.