Aizawlah mi 176-in thisen pe

January 17, Inrinni khan Aizawlah Mizo ṭhalaite'n thisen unit 176 an pe. KṬP, Lungleng-I Bial chuan ZMCH tan unit 62 an pe a, petute mipa 44 leh hmeichhia 18 an ni a; KṬP, Ramhlun Branch chuan Synod Hospital tan unit 42 an pe a, petute mipa 38 leh hmeichhia pali an ni.

Civil Hospital, Aizawl tan Mizoram Arsenal Supporters Club chuan Zarkawt Community Hall-ah thisen unit 32 an pe a, petute mipa 28 leh hmeichhia pali an ni a; ṬKP, Republic Vengthlang unit-te'n blood bank-ah kalin unit 22 an pe a, petute mipa 16 leh hmeichhia paruk an ni. Mahnia blood bank-a kala thisen pe (individual donor) mi 18 an awm bawk.