Police-in zu ûm 588 an man

Bairabi Police checkgate-a duty-te chuan nimin zing dar 5 vel khan Hailakandi district, Assam aṭanga rawn chho Yodha pick-up MZ-03 A-1517 aṭangin sapzu leh beer eng emaw zat an man a; lirthei khalhtu KT Beiphasa (30) s/o KT Masa, Siaha Council Vaih nia inchhal an man nghal.

Thu dawn danin, Bairabi police checkgate-a police-te'n zu an mante chu Royal Stag ûm 204 leh McDowell's No.1 ûm 384 bakah, Kingfisher beer bûr 336 a ni a; tualchhunga hralhna ang chuan Rs 1,92,960 hûa chhût a ni.

Zu neitua puh leh lirthei khalhtu hi Bairabi PS-ah thubuai siamsak a ni a; nimin vek khan Kolasib District Court-ah hruai niin, Kolasib District Jail-ah dah luh a ni.